Без рубрики

Չարլի Չապլինի նամակը դստերը

Նամակի մեջ Չապլինը, իր դստերը Ջերալդինային, մի քանի խորհուրդ է տալիս ներկայի և ապագայի վերաբերյալ։ Չապլինը խոստովանում է, որ երբ դուստրը իր մոտ չէ, նա դա ծանր է տանում։ Չապլինը խորհուրդ է տալիս նրան, որ նա գնահատի ինքն իրեն և իր արվեստը, բայց մեկտեղ նաև հիշեցնում է, որ սովորաբար թատրոնում արդյունքի հասնելու համար մարդիկ դժվարությունների էն հանդիպում և ասում է դստերը, որ նա ամուր լինի և շարունակի աշխատել իր վրա ու ամենակարևորը լինել բարի և զբաղվել բարեգործությամբ։

Հայերեն

Ի՞նչ ես կարծում՝ թեստը գիտելիքի ստուգման միջոց է, թե ոչ։

Իմ կարծիքով թեստերով չէ, որ պետք է գնահատել ուսուցիչը լավն է թէ ոչ։ Ուսուցիչը կարող է հիանալի տիրապետել իր առարկային, բայց չկարողանա այդ ամենը փոխանցել աշակերտին։ Բացի այդ, թեստերը շատ վատ են կազմված։ Համեմատեք անգլերենի և հայերենի թեստերը։ Հայերենի թեստը տալու համար դու պետք է ամբողջը անգիր անես և պահի տակ բոլորիս հետ ել պատահում է, որ ինչ-որ բան մոռանում ենք, իսկ անգլերենի թեստերը այնպես են կազմված, որ ցույց են տալիս գիտելիքները և տրամաբանությունը, այլ ոչ թե ինչ է անգիր արել թեստ հանձնողը։

Գրականություն

Հիսուսի ուսուցումները

31- Ասվել է նաև. «Ով որ արձակի իր կնոջը, թող նրան արձակման թուղթ տա»։ 32Իսկ ես ձեզ ասում եմ. նա, ով իր կնոջն արձակում է առանց պոռնկության պատճառի, ի՛նքը պատճառ կդառնա, որ նա շնանա։ Նույնպես շնություն արած կլինի նա, ով ամուսնանում է արձակված կնոջ հետ։
Ուսուցում երդման մասին

Ես համաձայն չեմ այն մտքի հետ, որ բաժանված կնոջ հետ չի կարելի ամուսնանալ։ Սխալներ գործում են բոլորը, բայց բոլորներ ունեն փոխվելու հնարավորություն, նաև այդ բաժանումը կարող է լինել ամուսնու պատճառով։

Պատմություն, Անգլերեն

Պենիցիլինի հայտնաբերումը — Ալեքսանդր Ֆլեմինգ

Թարգմանություն անգլերենից

Ալեքսանդր Ֆլեմինգը երիտասարդ մանրէաբան էր, երբ պատահական հայտնագործությունը հանգեցրեց ժամանակակից բժշկության մեծ զարգացումներից մեկին 1928 թվականի սեպտեմբերի 28 -ին: «staphylococcus»-ի բակտերիաների մի ափսե բաց թողած ՝ Ֆլեմինգը նկատեց, մշակույթի վրա ընկած բորբոսը որը ոչնչացրել է բակտերիաների մեծամասնությունը: Նա հայտնաբերեց բորբոսը որպես «penicillium notatum», որը նման է հացի վրա հայտնաբերված տեսակին:

1929 թվականին Ֆլեմինգը ներկայացրեց իր պենիցիլին կոչվող բորբոսի ենթամթերքը ՝ բակտերիալ վարակները բուժելու համար:

Link — https://www.history.com/this-day-in-history/penicillin-discovered

Без рубрики

Աղասի Այվազյան «Հավատ»

Վերլուծություն

Խոսքը գնում է քրիստոնեության ընդունելության մասին և դրանից հետո անցած ճանապարհը։ Նա նշում է որ հավատը ընտրություն չէր որովհետև դա այդպես էլ պետք է լիներ։Նրա խոսքով հավատից է կազմված մարդու էությունը և քրիստոնեությունն է մեզ տարբեր դարձնում կենդանիներից։ Նաև խոսում է ազգային հատկությունների մասին՝ ազնվատոհմ ազատաբարո և այլն։ Նրա կարծիքով դա գալիս է այն դժվար ու երկար ճանապարհից, որ հայ ժողովուրդն է անցել։ Կարծում է նաև, որ ինքներս մեր նկատմամբ դժգոհությունը գալիս է ազգային կերպարը վերականգնելու ձգտումից։

Էկոլոգիա

Նպատակ 1

Հայաստանի բնակչության 29.4%-ը կամ 880 հազար մարդ պաշտոնապես համարվում է աղքատ: Սա 2016թ. տվյալների համաձայն, ինչը նշանակում է, որ երկրի յուրաքանչյուր երեք քաղաքացուց մեկն աղքատ է: Ըստ Հայաստանի Ազգային վիճակագրական ծառայության (ԱՎԾ) մեթոդաբանության՝ Հայաստանում աղքատությունը որոշվում է սպառման (ծախսի), այլ ոչ թե եկամտի մակարդակով: Աղքատության մակարդակը ներկայացվում է երեք շեմով՝ վերին, ստորին եւ պարենային կամ ծայրահեղ աղքատության:

Ո՞վ է համարվում աղքատ

Հայաստանում աղքատ է համարվում այն մարդը, ում ամսական սպառումը (ծախսած գումարը) քիչ է 40867 դրամից: Շատ աղքատ է նա, ում սպառումը չի գերազանցում 33418 դրամը, իսկ ծայրահեղ աղքատ է նա, ով սպառել է մինչեւ 23313 դրամ:

Թեեւ վիճակագրությամբ բնակչության շուրջ 30%-ն է գտնվում աղքատության վերին շեմից ցածր, սակայն մյուս հատվածը եւս սպառման բավարար հնարավորություն չունի։ Հայաստանում մեկ մարդու միջին ամսական ծախսը 2016թ. կազմել է 43978 դրամ, ինչն մոտ 11000 դրամով քիչ է նվազագույն սպառողական զամբյուղի արժեքից, որը կազմում է ամսական 54754 դրամ (2016թ. 4-րդ եռամսյակ): Այս թիվը հաշվարկված է որպես մարդու առողջության պահպանման եւ կենսագործունեության ապահովման համար անհրաժեշտ սննդամթերքի, ոչ պարենային ապրանքների ու ծառայությունների նվազագույն շեմ: Հետեւաբար, բնակչության այն զանգվածը, որն աղքատության վերին շեմից փոքր-ինչ ավել սպառելու հնարավորություն ունի, թեեւ աղքատ չի համարվում, նույնպես չի կարողանում ապահովել մարդու նորմալ կենսագործունեության համար անհրաժեշտ նվազագույն պահանջմունքները:

Գրականություն

Դանիել Վարուժան

Դանիել Վարուժանը ծնվել է 1884 թ.-ի ապրիլի 20-ին, Արևմտյան Հայաստանի Սեբաստիա նահանգի Բրգնիկ գյուղում։ Վարուժանը գրաճանաչ է դառնում գյուղի վարժարանում, 1902 թվականին տեղափոխվում է Վենետիկի Մուրադ-Ռաֆայելյան դպրոց։ 1905 թվականին բանաստեղծը մեկնում է Բելգիա և ընդունվում Գենտի համալսարան, ուսումնասիրում գրականություն և սոցիալական ուսմունքներ։ 1909-ին վերադառնում է ծննդավայր, ուսուցչություն է անում Սեբաստիայի Արամյան վարժարանում: 1912-ին Վարուժանը հրավիրվում է Պոլսի Բերայի վարժարան՝ տեսուչի պաշտոնով։ Այս տարիներին Վարուժանի բանաստեղծությունները լայն ճանաչման են արժանանում։ Նա դառնում է Պոլսի գրական շրջանների ազդեցիկ դեմքերից մեկը, գրական հավաքույթների ոգին։ Տասը տարվա ընթացքում բանաստեղծը գրում է չորս գիրք՝ «Սարսուռներ», «Ցեղին սիրտը», «Հեթանոս երգեր» և «Հացին երգը»։ Գրում է նաև նոթեր, հոդվածներ, կատարում է թարգմանություններ։

1915 թվականն էր։ Վարուժանը շարունակում էր լրացնել գյուղի չքնաղ երգերի՝ «Հացին երգը» շարքը, պատրաստվում էր գրել «Հայկական հոմերագիրք» ժողովածուն, ուր պետք է տեղավորեր հին հայկական առասպելների ու ավանդությունների մշակումները, երազում էր ամբողջովին մշակել «Սասնա ծռեր» ժողովրդական էպոսը։ Ծրագրած էր նաև գրել «Գինիին երգը» քերթողական հատորը։ Բայց վրա հասավ արյունալի աղետը։ Բանաստեղծի խոսքերով ասած՝ կյանքը մորթվում էր արտերի մեջ, միտքը՝ գանգի մեջ։ Այս ողբերգական օրերի զոհերից մեկը եղավ 31-ամյա Դանիել Վարուժանը։ 1915 թվ-ի օգոստոսի 26-ին Դանիել Վարուժանը սպանվեց: Նույն օրը ծնվեց Վարուժանի երրորդ զավակը՝  Հայկակը: